YUH CAN CHOOSE yuh friends, but not yuh family. When we family mek we proud, win scholarships,

win at sports or win money, we want to identify and want de whole world to know. When is de opposite, ahh boy, we out: “me is me and me alone, ah got no friend, no family.”

Dis week ah between “ah rock and ah hard place”, so ah choosing both, friend and family, even Family-in-Law! De Morgans of de now infamous Hot-Water Case are Family- in-Law, Mrs Morgan is my friend and my wife’s sister. Ah always like to go back in time. Foh example, de way how people settled disputes long ago. If two persons were locked in ah hostile argument, ah

BASSY ALEXANDER

third person would quickly intervene in de name ah peace and say something like: “Man all yo throw ‘Cold Water’ pon dat!”

And right away, quarrel done! Now-ah-days is not so. Nobody know bout de slang, “Throw Cold Water pod dat”… is de opposite.

People settle disputes violently; ah cutlass, ah knife, ah Gun and painfully, is no longer Cold Water, but de opposite – Hot Water!

De Pastah Morgan’s Case drew ah lot ah public ah-ten-shun, people were mad at dem and when Mad-is-straight Ricky Bun-it, who is Hot, handed down Judgment, de “Ayes”