Word ah mouth nah load ah head

As de International Airport heads foh ah touch-down at Argyle, de-bait continues. De latest is dat de Pry Minister got de country “some good money coming” EC$ 204 million, including $54 million foh de sale of 40 acres of good lands in Can-One, dah’s $31 .00 ah sq. ft. not ah bad price. Talking bout “selling out de country, our children’s paltri-money?”{{more}}

We are hearing dat dis money is “to continue wuk” on de Airport; initially we were told dat de money was needed “to complete wuk” on de Airport, ah lickle twist ah de Lie-in town. Lie-Za’s engine-near friend told her dat “continue work on de Airport” is more like it, and dat de Pry-Minister will be back in de House ah year from now, and de year after, for more money to complete de project.

Lie-Za is adamant dat every person, ah repeat every man Jack who comes on ah ULP talk show, as Hoarse or co-hoarse is on de pay-role, riding de Gravy train wid ah bowl. All sold out! Who not on-board yet oops, she means on ah Board as yet, will get dey.

My girl is not talking out ah con-text, she reminds me of Denzil Bacchus who touches only Gold, he however showed his faith in de Airport project and made ah commitment to give de AIDC 100 thousand dollars, he already made ah deposit ah 40 thousand dollars. Her last question is foh all those who been echo-in de PM’s MT jargon bout de sale ah de NCB is ah master stroke, how many ah dem pay-tree-at responded to de Bank of SVG’s call foh dem to buy shares?

She reminds me of de story when her boyfriend Lie-owe went to de Circus and was all excited about de stunts man who walked across ah tight rope wid ah girl on his shoulder. She asked Lie-owe if he believed all ah dat was foh real, man he was ready foh an argument, he reminded her dat he saw it all wid his naked eyes. Den she posed de big question on him : “are you willing to sit on de stunts man’s shoulder and let him walk on de rope wid you?” Yes fellars, let’s hear yuh all on Radio telling de nation what was yuh financial contribution to de Airport, secondly, how many shares in de Bank of SVG did any ah yuh buy? “Word ah mouth nah load ah head” or is it “Fool ah talk but nah fool ah listen. And wid dat is gone ah gone again.

One Love Bassy

Bassy Alexander is a land surveyor, folklorist and social commentator.